Saṁyutta Nikāya 21.5 1. Bhikkhuvagga

id: sn21.5 VRI: vol 24 18 segments

Saṁyutta Nikāya 21.5 1. Bhikkhuvagga Sujātasutta

Sāvatthiyaṁ viharati. Atha kho āyasmā sujāto yena bhagavā tenupasaṅkami. Addasā kho bhagavā āyasmantaṁ sujātaṁ dūratova āgacchantaṁ. Disvāna bhikkhū āmantesi: “ubhayenevāyaṁ, bhikkhave, kulaputto sobhati— yañca abhirūpo dassanīyo pāsādiko paramāya vaṇṇapokkharatāya samannāgato, yassa catthāya kulaputtā sammadeva agārasmā anagāriyaṁ pabbajanti tadanuttaraṁ brahmacariyapariyosānaṁ diṭṭheva dhamme sayaṁ abhiññā sacchikatvā upasampajja viharatī”ti. Idamavoca bhagavā …pe… satthā:

“Sobhati vatāyaṁ bhikkhu, vri:24.253 ujubhūtena cetasā; Vippayutto visaṁyutto, anupādāya nibbuto; Dhāreti antimaṁ dehaṁ, jetvā māraṁ savāhinin”ti. Pañcamaṁ.