Saṁyutta Nikāya 22.12 2. Aniccavagga

id: sn22.12 VRI: vol 25 สยามรัฐ: vol 17 11 segments

Saṁyutta Nikāya 22.12 2. Aniccavagga Aniccasutta

Evaṁ me sutaṁ— vri:25.21 · sya:17.27 sāvatthiyaṁ. Tatra kho …pe… “rūpaṁ, bhikkhave, aniccaṁ, vedanā aniccā, saññā aniccā, saṅkhārā aniccā, viññāṇaṁ aniccaṁ. Evaṁ passaṁ, bhikkhave, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati. Nibbindaṁ virajjati; virāgā vimuccati. Vimuttasmiṁ vimuttamiti ñāṇaṁ hoti. ‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānātī”ti. Paṭhamaṁ.