Saṁyutta Nikāya 22.120 12. Dhammakathikavagga

id: sn22.120 VRI: vol 25 16 segments

Saṁyutta Nikāya 22.120 12. Dhammakathikavagga Saṁyojaniyasutta

Sāvatthinidānaṁ. vri:25.150 “Saṁyojaniye ca, bhikkhave, dhamme desessāmi saṁyojanañca. Taṁ suṇātha. Katame ca, bhikkhave, saṁyojaniyā dhammā, katamaṁ saṁyojanaṁ? Rūpaṁ, bhikkhave, saṁyojaniyo dhammo; yo tattha chandarāgo, taṁ tattha saṁyojanaṁ. Vedanā …pe… saññā … saṅkhārā … viññāṇaṁ saṁyojaniyo dhammo; yo tattha chandarāgo, taṁ tattha saṁyojanaṁ. Ime vuccanti, bhikkhave, saṁyojaniyā dhammā, idaṁ saṁyojanan”ti. Aṭṭhamaṁ.