Saṁyutta Nikāya 22.137 14. Kukkuḷavagga
id: sn22.137 13 segments
Saṁyutta Nikāya 22.137 14. Kukkuḷavagga Aniccasutta
Sāvatthinidānaṁ. “Yaṁ, bhikkhave, aniccaṁ; tatra vo chando pahātabbo. Kiñca, bhikkhave, aniccaṁ? Rūpaṁ, bhikkhave, aniccaṁ; tatra vo chando pahātabbo. Vedanā aniccā …pe… saññā … saṅkhārā … viññāṇaṁ aniccaṁ; tatra vo chando pahātabbo. Yaṁ, bhikkhave, aniccaṁ; tatra vo chando pahātabbo”ti. Dutiyaṁ.