Saṁyutta Nikāya 22.16 2. Aniccavagga
id: sn22.16 16 segments
Saṁyutta Nikāya 22.16 2. Aniccavagga Yaṁdukkhasutta
Sāvatthinidānaṁ. “Rūpaṁ, bhikkhave, dukkhaṁ. Yaṁ dukkhaṁ tadanattā; yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. Vedanā dukkhā … saññā dukkhā … saṅkhārā dukkhā … viññāṇaṁ dukkhaṁ. Yaṁ dukkhaṁ tadanattā; yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. Evaṁ passaṁ …pe… nāparaṁ itthattāyā’ti pajānātī”ti. Pañcamaṁ.