Saṁyutta Nikāya 22.73 8. Khajjanīyavagga
id: sn22.73 VRI: vol 25 สยามรัฐ: vol 17 15 segments
Saṁyutta Nikāya 22.73 8. Khajjanīyavagga Assādasutta
Sāvatthinidānaṁ. vri:25.76 · sya:17.100 “Assutavā, bhikkhave, puthujjano rūpassa assādañca ādīnavañca nissaraṇañca yathābhūtaṁ nappajānāti. Vedanāya … saññāya … saṅkhārānaṁ … viññāṇassa assādañca ādīnavañca nissaraṇañca yathābhūtaṁ nappajānāti. Sutavā ca kho, bhikkhave, ariyasāvako rūpassa assādañca ādīnavañca nissaraṇañca yathābhūtaṁ pajānāti. Vedanāya … saññāya … saṅkhārānaṁ … viññāṇassa assādañca ādīnavañca nissaraṇañca yathābhūtaṁ pajānātī”ti. Paṭhamaṁ.