Saṁyutta Nikāya 23.16 2. Dutiyamāravagga
id: sn23.16 11 segments
Saṁyutta Nikāya 23.16 2. Dutiyamāravagga Dukkhadhammasutta
Sāvatthinidānaṁ. Ekamantaṁ nisinno kho āyasmā rādho bhagavantaṁ etadavoca: “‘dukkhadhammo, dukkhadhammo’ti, bhante, vuccati. Katamo nu kho, bhante, dukkhadhammo”ti? “Rūpaṁ kho, rādha, dukkhadhammo, vedanā dukkhadhammo, saññā dukkhadhammo, saṅkhārā dukkhadhammo, viññāṇaṁ dukkhadhammo. Evaṁ passaṁ …pe… nāparaṁ itthattāyāti pajānātī”ti. Chaṭṭhaṁ.