Saṁyutta Nikāya 23.19 2. Dutiyamāravagga
id: sn23.19 11 segments
Saṁyutta Nikāya 23.19 2. Dutiyamāravagga Khayadhammasutta
Sāvatthinidānaṁ. Ekamantaṁ nisinno kho āyasmā rādho bhagavantaṁ etadavoca: “‘khayadhammo, khayadhammo’ti, bhante, vuccati. Katamo nu kho, bhante, khayadhammo”ti? “Rūpaṁ kho, rādha, khayadhammo, vedanā khayadhammo, saññā khayadhammo, saṅkhārā khayadhammo, viññāṇaṁ khayadhammo. Evaṁ passaṁ …pe… nāparaṁ itthattāyāti pajānātī”ti. Navamaṁ.