Saṁyutta Nikāya 23.22 2. Dutiyamāravagga

id: sn23.22 VRI: vol 25 19 segments

Saṁyutta Nikāya 23.22 2. Dutiyamāravagga Nirodhadhammasutta

Sāvatthinidānaṁ. Ekamantaṁ nisinno kho āyasmā rādho bhagavantaṁ etadavoca: “‘nirodhadhammo, nirodhadhammo’ti, bhante, vuccati. Katamo nu kho, bhante, nirodhadhammo”ti? “Rūpaṁ kho, rādha, nirodhadhammo, vedanā nirodhadhammo, saññā nirodhadhammo, saṅkhārā nirodhadhammo, viññāṇaṁ nirodhadhammo. Evaṁ passaṁ …pe… nāparaṁ itthattāyāti pajānātī”ti. Dvādasamaṁ. Dutiyamāravaggo.

Tassuddānaṁ Māro ca māradhammo ca, vri:25.184 Aniccena apare duve; Dukkhena ca duve vuttā, Anattena tatheva ca; Khayavayasamudayaṁ, Nirodhadhammena dvādasāti.