Saṁyutta Nikāya 23.3 1. Paṭhamamāravagga
id: sn23.3 VRI: vol 25 สยามรัฐ: vol 17 17 segments
Saṁyutta Nikāya 23.3 1. Paṭhamamāravagga Bhavanettisutta
Sāvatthinidānaṁ. vri:25.176 · sya:17.234 Ekamantaṁ nisinno kho āyasmā rādho bhagavantaṁ etadavoca: “‘bhavanettinirodho, bhavanettinirodho’ti, bhante, vuccati. Katamā nu kho, bhante, bhavanetti, katamo bhavanettinirodho”ti? “Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā— ayaṁ vuccati bhavanetti. Tesaṁ nirodho bhavanettinirodho. Vedanāya … saññāya … saṅkhāresu … viññāṇe yo chando …pe… adhiṭṭhānābhinivesānusayā— ayaṁ vuccati bhavanetti. Tesaṁ nirodho bhavanettinirodho”ti. Tatiyaṁ.