Saṁyutta Nikāya 32.1 1. Valāhakavagga

id: sn32.1 VRI: vol 25 สยามรัฐ: vol 17 14 segments

Saṁyutta Nikāya 32.1 1. Valāhakavagga Suddhikasutta

Sāvatthinidānaṁ. vri:25.251 · sya:17.314 “Valāhakakāyike vo, bhikkhave, deve desessāmi. Taṁ suṇātha. Katame ca, bhikkhave, valāhakakāyikā devā? Santi, bhikkhave, sītavalāhakā devā; santi uṇhavalāhakā devā; santi abbhavalāhakā devā; santi vātavalāhakā devā; santi vassavalāhakā devā— ime vuccanti, bhikkhave, ‘valāhakakāyikā devā’”ti. Paṭhamaṁ.