Saṁyutta Nikāya 32.53 1. Valāhakavagga
id: sn32.53 VRI: vol 25 11 segments
Saṁyutta Nikāya 32.53 1. Valāhakavagga Sītavalāhakasutta
Sāvatthinidānaṁ. vri:25.253 Ekamantaṁ nisinno kho so bhikkhu bhagavantaṁ etadavoca: “ko nu kho, bhante, hetu, ko paccayo, yenekadā sītaṁ hotī”ti? “Santi, bhikkhu, sītavalāhakā nāma devā. Tesaṁ yadā evaṁ hoti: ‘yannūna mayaṁ sakāya ratiyā vaseyyāmā’ti, tesaṁ taṁ cetopaṇidhimanvāya sītaṁ hoti. Ayaṁ kho, bhikkhu, hetu, ayaṁ paccayo, yenekadā sītaṁ hotī”ti. Tepaññāsamaṁ.