Saṁyutta Nikāya 34.12 1. Jhānavagga
id: sn34.12 VRI: vol 25 13 segments
Saṁyutta Nikāya 34.12 1. Jhānavagga Samāpattimūlakavuṭṭhānasutta
Sāvatthinidānaṁ. vri:25.267 “Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṁ samāpattikusalo hoti, na samādhismiṁ vuṭṭhānakusalo. Idha pana, bhikkhave, ekacco jhāyī samādhismiṁ vuṭṭhānakusalo hoti, na samādhismiṁ samāpattikusalo. Idha pana, bhikkhave, ekacco jhāyī neva samādhismiṁ samāpattikusalo hoti, na ca samādhismiṁ vuṭṭhānakusalo. Idha pana, bhikkhave, ekacco jhāyī samādhismiṁ samāpattikusalo ca hoti, samādhismiṁ vuṭṭhānakusalo ca. Tatra, bhikkhave, yvāyaṁ jhāyī …pe… pavaro cā”ti. Dvādasamaṁ.