Saṁyutta Nikāya 35.10 1. Aniccavagga
id: sn35.10 สยามรัฐ: vol 18 18 segments
Saṁyutta Nikāya 35.10 1. Aniccavagga Bāhirāniccātītānāgatasutta
“Rūpā, bhikkhave, aniccā atītānāgatā; sya:18.6 ko pana vādo paccuppannānaṁ. Evaṁ passaṁ, bhikkhave, sutavā ariyasāvako atītesu rūpesu anapekkho hoti; anāgate rūpe nābhinandati; paccuppannānaṁ rūpānaṁ nibbidāya virāgāya nirodhāya paṭipanno hoti. Saddā … gandhā … rasā … phoṭṭhabbā … dhammā aniccā atītānāgatā; ko pana vādo paccuppannānaṁ. Evaṁ passaṁ, bhikkhave, sutavā ariyasāvako atītesu dhammesu anapekkho hoti; anāgate dhamme nābhinandati; paccuppannānaṁ dhammānaṁ nibbidāya virāgāya nirodhāya paṭipanno hotī”ti. Dasamaṁ.