Saṁyutta Nikāya 35.109 11. Yogakkhemivagga

id: sn35.109 VRI: vol 26 13 segments

Saṁyutta Nikāya 35.109 11. Yogakkhemivagga Saṁyojaniyasutta

“Saṁyojaniye ca, bhikkhave, dhamme desessāmi saṁyojanañca. vri:26.96 Taṁ suṇātha. Katame ca, bhikkhave, saṁyojaniyā dhammā, katamañca saṁyojanaṁ? Cakkhuṁ, bhikkhave, saṁyojaniyo dhammo. Yo tattha chandarāgo, taṁ tattha saṁyojanaṁ …pe… jivhā saṁyojaniyo dhammo …pe… mano saṁyojaniyo dhammo. Yo tattha chandarāgo, taṁ tattha saṁyojanaṁ. Ime vuccanti, bhikkhave, saṁyojaniyā dhammā, idaṁ saṁyojanan”ti. Chaṭṭhaṁ.