Saṁyutta Nikāya 35.2 1. Aniccavagga
id: sn35.2 16 segments
Saṁyutta Nikāya 35.2 1. Aniccavagga Ajjhattadukkhasutta
“Cakkhuṁ, bhikkhave, dukkhaṁ. Yaṁ dukkhaṁ tadanattā; yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. Sotaṁ dukkhaṁ …pe… ghānaṁ dukkhaṁ … jivhā dukkhā … kāyo dukkho … mano dukkho. Yaṁ dukkhaṁ tadanattā; yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. Evaṁ passaṁ …pe… nāparaṁ itthattāyāti pajānātī”ti. Dutiyaṁ.