Saṁyutta Nikāya 35.205 17. Saṭṭhipeyyālavagga

id: sn35.205 VRI: vol 26 17 segments

Saṁyutta Nikāya 35.205 17. Saṭṭhipeyyālavagga Ajjhattānāgatayadaniccasutta

“Cakkhu, bhikkhave, aniccaṁ anāgataṁ. vri:26.157 Yadaniccaṁ, taṁ dukkhaṁ. Yaṁ dukkhaṁ, tadanattā. Yadanattā taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ …pe… jivhā aniccā anāgatā. Yadaniccaṁ, taṁ dukkhaṁ. Yaṁ dukkhaṁ, tadanattā. Yadanattā, taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ …pe… mano anicco anāgato. Yadaniccaṁ, taṁ dukkhaṁ. Yaṁ dukkhaṁ, tadanattā. Yadanattā, taṁ ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya daṭṭhabbaṁ. Evaṁ passaṁ, bhikkhave …pe… nāparaṁ itthattāyāti pajānātī”ti.