Saṁyutta Nikāya 35.237 18. Samuddavagga
id: sn35.237 VRI: vol 26 สยามรัฐ: vol 18 26 segments
Saṁyutta Nikāya 35.237 18. Samuddavagga Dutiyahatthapādopamasutta
“Hatthesu, bhikkhave, sati ādānanikkhepanaṁ hoti; sya:18.215 pādesu sati abhikkamapaṭikkamo hoti; pabbesu sati samiñjanapasāraṇaṁ hoti; kucchismiṁ sati jighacchā pipāsā hoti. Evameva kho, bhikkhave, cakkhusmiṁ sati cakkhusamphassapaccayā uppajjati ajjhattaṁ sukhaṁ dukkhaṁ …pe… jivhāya sati …pe… manasmiṁ sati manosamphassapaccayā uppajjati ajjhattaṁ sukhaṁ dukkhaṁ …pe….
Hatthesu, bhikkhave, asati ādānanikkhepanaṁ na hoti; vri:26.176 pādesu asati abhikkamapaṭikkamo na hoti; pabbesu asati samiñjanapasāraṇaṁ na hoti; kucchismiṁ asati jighacchā pipāsā na hoti. Evameva kho, bhikkhave, cakkhusmiṁ asati cakkhusamphassapaccayā nuppajjati ajjhattaṁ sukhaṁ dukkhaṁ …pe… jivhāya asati jivhāsamphassapaccayā nuppajjati …pe… manasmiṁ asati manosamphassapaccayā nuppajjati ajjhattaṁ sukhaṁ dukkhan”ti. Dasamaṁ. Samuddavaggo tatiyo.
Tassuddānaṁ Dve samuddā bāḷisiko, khīrarukkhena koṭṭhiko; Kāmabhū udāyī ceva, ādittena ca aṭṭhamaṁ; Hatthapādūpamā dveti, vaggo tena pavuccatīti.