Saṁyutta Nikāya 36.9 1. Sagāthāvagga
id: sn36.9 8 segments
Saṁyutta Nikāya 36.9 1. Sagāthāvagga Aniccasutta
“Tisso imā, bhikkhave, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā. Katamā tisso? Sukhā vedanā, dukkhā vedanā, adukkhamasukhā vedanā— imā kho, bhikkhave, tisso vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā”ti. Navamaṁ.