Saṁyutta Nikāya 37.16 2. Dutiyapeyyālavagga
id: sn37.16 VRI: vol 26 8 segments
Saṁyutta Nikāya 37.16 2. Dutiyapeyyālavagga Anupanāhīsutta
“Pañcahi, anuruddha, dhammehi samannāgato mātugāmo kāyassa bhedā paraṁ maraṇā sugatiṁ saggaṁ lokaṁ upapajjati. vri:26.239 Katamehi pañcahi? Saddho ca hoti, hirimā ca hoti, ottappī ca hoti, anupanāhī ca hoti, paññavā ca hoti— imehi kho, anuruddha, pañcahi dhammehi samannāgato mātugāmo kāyassa bhedā paraṁ maraṇā sugatiṁ saggaṁ lokaṁ upapajjatī”ti. Dutiyaṁ.