Saṁyutta Nikāya 37.25 3. Balavagga

id: sn37.25 VRI: vol 26 สยามรัฐ: vol 18 9 segments

Saṁyutta Nikāya 37.25 3. Balavagga Visāradasutta

“Pañcimāni, bhikkhave, mātugāmassa balāni. vri:26.241 · sya:18.304 Katamāni pañca? Rūpabalaṁ, bhogabalaṁ, ñātibalaṁ, puttabalaṁ, sīlabalaṁ— imāni kho, bhikkhave, pañca mātugāmassa balāni. Imehi kho, bhikkhave, pañcahi balehi samannāgato mātugāmo visārado agāraṁ ajjhāvasatī”ti. Paṭhamaṁ.