Saṁyutta Nikāya 39.16 1. Sāmaṇḍakavagga

id: sn39.16 VRI: vol 26 สยามรัฐ: vol 18 14 segments

Saṁyutta Nikāya 39.16 1. Sāmaṇḍakavagga Dukkarasutta

“Kiṁ nu kho, āvuso sāriputta, imasmiṁ dhammavinaye dukkaran”ti? vri:26.256 · sya:18.322 “Pabbajjā kho, āvuso, imasmiṁ dhammavinaye dukkarā”ti. “Pabbajitena panāvuso, kiṁ dukkaran”ti? “Pabbajitena kho, āvuso, abhirati dukkarā”ti. “Abhiratena panāvuso, kiṁ dukkaran”ti? “Abhiratena kho, āvuso, dhammānudhammappaṭipatti dukkarā”ti. “Kīvaciraṁ panāvuso, dhammānudhammappaṭipanno bhikkhu arahaṁ assā”ti? “Naciraṁ, āvuso”ti. Soḷasamaṁ. (Purimakasadisaṁ uddānaṁ.) Sāmaṇḍakasaṁyuttaṁ samattaṁ.