Saṁyutta Nikāya 4.7 1. Paṭhamavagga
id: sn4.7 VRI: vol 23 สยามรัฐ: vol 15 16 segments
Saṁyutta Nikāya 4.7 1. Paṭhamavagga Supatisutta
Ekaṁ samayaṁ bhagavā rājagahe viharati veḷuvane kalandakanivāpe. vri:23.127 Atha kho bhagavā bahudevarattiṁ abbhokāse caṅkamitvā rattiyā paccūsasamayaṁ pāde pakkhāletvā vihāraṁ pavisitvā dakkhiṇena passena sīhaseyyaṁ kappesi pāde pādaṁ accādhāya sato sampajāno uṭṭhānasaññaṁ manasi karitvā. Atha kho māro pāpimā yena bhagavā tenupasaṅkami; upasaṅkamitvā bhagavantaṁ gāthāya ajjhabhāsi:
“Kiṁ soppasi kiṁ nu soppasi, Kimidaṁ soppasi dubbhago viya; Suññamagāranti soppasi, Kimidaṁ soppasi sūriye uggate”ti.
“Yassa jālinī visattikā, sya:15.157 Taṇhā natthi kuhiñci netave; Sabbūpadhiparikkhayā buddho, Soppati kiṁ tavettha mārā”ti.
Atha kho māro pāpimā …pe… tatthevantaradhāyīti.