Saṁyutta Nikāya 45.16 2. Vihāravagga
id: sn45.16 สยามรัฐ: vol 19 9 segments
Saṁyutta Nikāya 45.16 2. Vihāravagga Paṭhamaparisuddhasutta
Sāvatthinidānaṁ. sya:19.19 “Aṭṭhime, bhikkhave, dhammā parisuddhā pariyodātā anaṅgaṇā vigatūpakkilesā anuppannā uppajjanti, nāññatra tathāgatassa pātubhāvā arahato sammāsambuddhassa. Katame aṭṭha? Seyyathidaṁ—sammādiṭṭhi …pe… sammāsamādhi. Ime kho, bhikkhave, aṭṭha dhammā parisuddhā pariyodātā anaṅgaṇā vigatūpakkilesā anuppannā uppajjanti, nāññatra tathāgatassa pātubhāvā arahato sammāsambuddhassā”ti. Chaṭṭhaṁ.