Saṁyutta Nikāya 45.28 3. Micchattavagga

id: sn45.28 สยามรัฐ: vol 19 11 segments

Saṁyutta Nikāya 45.28 3. Micchattavagga Samādhisutta

Sāvatthinidānaṁ. sya:19.26 “Ariyaṁ vo, bhikkhave, sammāsamādhiṁ desessāmi saupanisaṁ saparikkhāraṁ. Taṁ suṇātha. Katamo ca, bhikkhave, ariyo sammāsamādhi saupaniso saparikkhāro? Seyyathidaṁ—sammādiṭṭhi …pe… sammāsati. Yā kho, bhikkhave, imehi sattahaṅgehi cittassa ekaggatā saparikkhāratā— ayaṁ vuccati, bhikkhave, ariyo sammāsamādhi saupaniso itipi saparikkhāro itipī”ti. Aṭṭhamaṁ.