Saṁyutta Nikāya 45.40 4. Paṭipattivagga
id: sn45.40 22 segments
Saṁyutta Nikāya 45.40 4. Paṭipattivagga Dutiyabrahmacariyasutta
Sāvatthinidānaṁ. “Brahmacariyañca vo, bhikkhave, desessāmi, brahmacariyatthañca. Taṁ suṇātha. Katamañca, bhikkhave, brahmacariyaṁ? Ayameva ariyo aṭṭhaṅgiko maggo, seyyathidaṁ— sammādiṭṭhi …pe… sammāsamādhi. Idaṁ vuccati, bhikkhave, brahmacariyaṁ. Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo— ayaṁ vuccati, bhikkhave, brahmacariyattho”ti. Dasamaṁ. Paṭipattivaggo catuttho.
Tassuddānaṁ Paṭipatti paṭipanno ca, viraddhañca pāraṅgamā; Sāmaññena ca dve vuttā, brahmaññā apare duve; Brahmacariyena dve vuttā, vaggo tena pavuccatīti.