Saṁyutta Nikāya 45.6 1. Avijjāvagga

id: sn45.6 VRI: vol 27 12 segments

Saṁyutta Nikāya 45.6 1. Avijjāvagga Paṭhamaaññatarabhikkhusutta

Sāvatthinidānaṁ. Atha kho aññataro bhikkhu yena bhagavā tenupasaṅkami …pe… ekamantaṁ nisinno kho so bhikkhu bhagavantaṁ etadavoca: “‘brahmacariyaṁ, brahmacariyan’ti, bhante, vuccati. Katamaṁ nu kho, bhante, brahmacariyaṁ, katamaṁ brahmacariyapariyosānan”ti?

“Ayameva kho, bhikkhu, ariyo aṭṭhaṅgiko maggo brahmacariyaṁ, seyyathidaṁ— vri:27.8 sammādiṭṭhi …pe… sammāsamādhi. Yo kho, bhikkhu, rāgakkhayo dosakkhayo mohakkhayo— idaṁ brahmacariyapariyosānan”ti. Chaṭṭhaṁ.