Saṁyutta Nikāya 45.90 8. Dutiyaekadhammapeyyālavagga
id: sn45.90 สยามรัฐ: vol 19 15 segments
Saṁyutta Nikāya 45.90 8. Dutiyaekadhammapeyyālavagga Dutiyayonisomanasikārasampadāsutta
“Yathayidaṁ, bhikkhave, yonisomanasikārasampadā. sya:19.47 Yonisomanasikārasampannassetaṁ, bhikkhave, bhikkhuno pāṭikaṅkhaṁ—ariyaṁ aṭṭhaṅgikaṁ maggaṁ bhāvessati, ariyaṁ aṭṭhaṅgikaṁ maggaṁ bahulīkarissati. Kathañca, bhikkhave, bhikkhu yonisomanasikārasampanno ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkaroti? Idha, bhikkhave, bhikkhu sammādiṭṭhiṁ bhāveti rāgavinayapariyosānaṁ dosavinayapariyosānaṁ mohavinayapariyosānaṁ …pe… sammāsamādhiṁ bhāveti rāgavinayapariyosānaṁ dosavinayapariyosānaṁ mohavinayapariyosānaṁ. Evaṁ kho, bhikkhave, bhikkhu yonisomanasikārasampanno ariyaṁ aṭṭhaṅgikaṁ maggaṁ bhāveti, ariyaṁ aṭṭhaṅgikaṁ maggaṁ bahulīkarotī”ti. Sattamaṁ. Dutiyaekadhammapeyyālaṁ.
Tassuddānaṁ Kalyāṇamittaṁ sīlañca, chando ca attasampadā; Diṭṭhi ca appamādo ca, yoniso bhavati sattamaṁ.