Saṁyutta Nikāya 47.41 5. Amatavagga
id: sn47.41 สยามรัฐ: vol 19 14 segments
Saṁyutta Nikāya 47.41 5. Amatavagga Amatasutta
Sāvatthinidānaṁ. sya:19.246 “Catūsu, bhikkhave, satipaṭṭhānesu suppatiṭṭhitacittā viharatha. Mā vo amataṁ panassa. Katamesu catūsu? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṁ; vedanāsu …pe… citte …pe… dhammesu dhammānupassī viharati ātāpī sampajāno satimā, vineyya loke abhijjhādomanassaṁ. Imesu, bhikkhave, catūsu satipaṭṭhānesu suppatiṭṭhitacittā viharatha. Mā vo amataṁ panassā”ti. Paṭhamaṁ.