Saṁyutta Nikāya 48.26 3. Chaḷindriyavagga
id: sn48.26 สยามรัฐ: vol 19 9 segments
Saṁyutta Nikāya 48.26 3. Chaḷindriyavagga Sotāpannasutta
“Chayimāni, bhikkhave, indriyāni. sya:19.272 Katamāni cha? Cakkhundriyaṁ …pe… manindriyaṁ. Yato kho, bhikkhave, ariyasāvako imesaṁ channaṁ indriyānaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānāti— ayaṁ vuccati, bhikkhave, ariyasāvako sotāpanno avinipātadhammo niyato sambodhiparāyaṇo”ti. Chaṭṭhaṁ.