Saṁyutta Nikāya 48.3 1. Suddhikavagga

id: sn48.3 VRI: vol 27 สยามรัฐ: vol 19 9 segments

Saṁyutta Nikāya 48.3 1. Suddhikavagga Dutiyasotāpannasutta

“Pañcimāni, bhikkhave, indriyāni. vri:27.270 · sya:19.257 Katamāni pañca? Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ. Yato kho, bhikkhave, ariyasāvako imesaṁ pañcannaṁ indriyānaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānāti— ayaṁ vuccati, bhikkhave, ariyasāvako sotāpanno avinipātadhammo niyato sambodhiparāyaṇo”ti. Tatiyaṁ.