Saṁyutta Nikāya 48.60 6. Sūkarakhatavagga
id: sn48.60 VRI: vol 27 14 segments
Saṁyutta Nikāya 48.60 6. Sūkarakhatavagga Dutiyauppādasutta
“Pañcimāni, bhikkhave, indriyāni bhāvitāni bahulīkatāni anuppannāni uppajjanti, nāññatra sugatavinayā. vri:27.309 Katamāni pañca? Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ— imāni kho, bhikkhave, pañcindriyāni bhāvitāni bahulīkatāni anuppannāni uppajjanti, nāññatra sugatavinayā”ti. Dasamaṁ. Sūkarakhatavaggo chaṭṭho.
Tassuddānaṁ Sālaṁ mallikaṁ sekho ca, padaṁ sāraṁ patiṭṭhitaṁ; Brahmasūkarakhatāyo, uppādā apare duveti.