Saṁyutta Nikāya 51.8 1. Cāpālavagga
id: sn51.8 VRI: vol 27 สยามรัฐ: vol 19 12 segments
Saṁyutta Nikāya 51.8 1. Cāpālavagga Buddhasutta
“Cattārome, bhikkhave, iddhipādā. vri:27.332 · sya:19.331 Katame cattāro? Idha, bhikkhave, bhikkhu chandasamādhippadhānasaṅkhārasamannāgataṁ iddhipādaṁ bhāveti, vīriyasamādhi …pe… cittasamādhi …pe… vīmaṁsāsamādhippadhānasaṅkhārasamannāgataṁ iddhipādaṁ bhāveti. Ime kho, bhikkhave, cattāro iddhipādā. Imesaṁ kho, bhikkhave, catunnaṁ iddhipādānaṁ bhāvitattā bahulīkatattā tathāgato ‘arahaṁ sammāsambuddho’ti vuccatī”ti. Aṭṭhamaṁ.