Saṁyutta Nikāya 56.102 11. Pañcagatipeyyālavagga
id: sn56.102 VRI: vol 27 12 segments
Saṁyutta Nikāya 56.102 11. Pañcagatipeyyālavagga Manussacutinirayasutta
Atha kho bhagavā parittaṁ nakhasikhāyaṁ paṁsuṁ āropetvā bhikkhū āmantesi: vri:27.534 “taṁ kiṁ maññatha, bhikkhave, katamaṁ nu kho bahutaraṁ— yo vāyaṁ mayā paritto nakhasikhāyaṁ paṁsu āropito, ayaṁ vā mahāpathavī”ti? “Etadeva, bhante, bahutaraṁ, yadidaṁ— mahāpathavī; appamattakāyaṁ bhagavatā paritto nakhasikhāyaṁ paṁsu āropito. Saṅkhampi na upeti, upanidhampi na upeti, kalabhāgampi na upeti mahāpathaviṁ upanidhāya bhagavatā paritto nakhasikhāyaṁ paṁsu āropito”ti. “Evameva kho, bhikkhave, appakā te sattā ye manussā cutā manussesu paccājāyanti; atha kho eteva bahutarā sattā ye manussā cutā niraye paccājāyanti …pe…. Paṭhamaṁ.