Sutta Nipāta 5.11 Kappamāṇavapucchā
id: snp5.11 VRI: vol 48 สยามรัฐ: vol 25 23 segments
Sutta Nipāta 5.11 Kappamāṇavapucchā
“Majjhe sarasmiṁ tiṭṭhataṁ, sya:25.544 (iccāyasmā kappo) Oghe jāte mahabbhaye; Jarāmaccuparetānaṁ, Dīpaṁ pabrūhi mārisa; Tvañca me dīpamakkhāhi, Yathāyidaṁ nāparaṁ siyā”.
“Majjhe sarasmiṁ tiṭṭhataṁ, vri:48.241 (kappāti bhagavā) Oghe jāte mahabbhaye; Jarāmaccuparetānaṁ, Dīpaṁ pabrūmi kappa te.
Akiñcanaṁ anādānaṁ, etaṁ dīpaṁ anāparaṁ; Nibbānaṁ iti naṁ brūmi, jarāmaccuparikkhayaṁ.
Etadaññāya ye satā, Diṭṭhadhammābhinibbutā; Na te māravasānugā, Na te mārassa paddhagū”ti. Kappamāṇavapucchā dasamā.