Sutta Nipāta 5.13 Bhadrāvudhamāṇavapucchā
id: snp5.13 สยามรัฐ: vol 25 21 segments
Sutta Nipāta 5.13 Bhadrāvudhamāṇavapucchā
“Okañjahaṁ taṇhacchidaṁ anejaṁ, sya:25.546 (iccāyasmā bhadrāvudho) Nandiñjahaṁ oghatiṇṇaṁ vimuttaṁ; Kappañjahaṁ abhiyāce sumedhaṁ, Sutvāna nāgassa apanamissanti ito.
Nānājanā janapadehi saṅgatā, Tava vīra vākyaṁ abhikaṅkhamānā; Tesaṁ tuvaṁ sādhu viyākarohi, Tathā hi te vidito esa dhammo”.
“Ādānataṇhaṁ vinayetha sabbaṁ, (bhadrāvudhāti bhagavā Uddhaṁ adho tiriyañcāpi majjhe; Yaṁ yañhi lokasmimupādiyanti, Teneva māro anveti jantuṁ.
Tasmā pajānaṁ na upādiyetha, Bhikkhu sato kiñcanaṁ sabbaloke; Ādānasatte iti pekkhamāno, Pajaṁ imaṁ maccudheyye visattan”ti. Bhadrāvudhamāṇavapucchā dvādasamā.