Theragāthā 1.1 Ekakanipāta

id: thag1.1 VRI: vol 56 สยามรัฐ: vol 26 24 segments

Theragāthā 1.1 Ekakanipāta Paṭhamavagga Subhūtittheragāthā

Nidānagāthā Namo tassa Bhagavato Arahato Sammāsambuddhassa. Sīhānaṁva nadantānaṁ, vri:56.161 · sya:26.260 dāṭhīnaṁ girigabbhare; Suṇātha bhāvitattānaṁ, gāthā atthūpanāyikā.

Yathānāmā yathāgottā, yathādhammavihārino; Yathādhimuttā sappaññā, vihariṁsu atanditā.

Tattha tattha vipassitvā, phusitvā accutaṁ padaṁ; Katantaṁ paccavekkhantā, imamatthamabhāsisuṁ.

Subhūtittheragāthā “Channā me kuṭikā sukhā nivātā, vri:56.162 Vassa deva yathāsukhaṁ; Cittaṁ me susamāhitaṁ vimuttaṁ, Ātāpī viharāmi vassa devā”ti. Itthaṁ sudaṁ āyasmā subhūtitthero gāthaṁ abhāsitthāti.