Theragāthā 16.7 Vīsatinipāta
id: thag16.7 VRI: vol 56 สยามรัฐ: vol 26 101 segments
Theragāthā 16.7 Vīsatinipāta Paṭhamavagga Kāḷigodhāputtabhaddiyattheragāthā
“Yātaṁ me hatthigīvāya, sukhumā vatthā padhāritā; Sālīnaṁ odano bhutto, sucimaṁsūpasecano.
Sojja bhaddo sātatiko, uñchāpattāgate rato; Jhāyati anupādāno, putto godhāya bhaddiyo.
Paṁsukūlī sātatiko, uñchāpattāgate rato; Jhāyati anupādāno, putto godhāya bhaddiyo.
Piṇḍapātī sātatiko, … pe … …
Tecīvarī sātatiko, … pe … …
Sapadānacārī sātatiko, … pe … …
Ekāsanī sātatiko, … pe … …
Pattapiṇḍī sātatiko, … pe … …
Khalupacchābhattī sātatiko, … pe … …
Āraññiko sātatiko, … pe … …
Rukkhamūliko sātatiko, sya:26.387 … pe … …
Abbhokāsī sātatiko, … pe … …
Sosāniko sātatiko, … pe … …
Yathāsanthatiko sātatiko, … pe … …
Nesajjiko sātatiko, vri:56.266 … pe … …
Appiccho sātatiko, … pe … …
Santuṭṭho sātatiko, … pe … …
Pavivitto sātatiko, … pe … …
Asaṁsaṭṭho sātatiko, … pe … …
Āraddhavīriyo sātatiko, … pe … …
Hitvā satapalaṁ kaṁsaṁ, sovaṇṇaṁ satarājikaṁ; Aggahiṁ mattikāpattaṁ, idaṁ dutiyābhisecanaṁ.
Ucce maṇḍalipākāre, daḷhamaṭṭālakoṭṭhake; Rakkhito khaggahatthehi, uttasaṁ vihariṁ pure.
Sojja bhaddo anutrāsī, pahīnabhayabheravo; Jhāyati vanamoggayha, putto godhāya bhaddiyo.
Sīlakkhandhe patiṭṭhāya, satiṁ paññañca bhāvayaṁ; Pāpuṇiṁ anupubbena, sabbasaṁyojanakkhayan”ti. … Bhaddiyo kāḷigodhāya putto thero ….