Theragāthā 3.1 Tikanipāta
id: thag3.1 VRI: vol 56 สยามรัฐ: vol 26 17 segments
Theragāthā 3.1 Tikanipāta Paṭhamavagga Aṅgaṇikabhāradvājattheragāthā
“Ayoni suddhimanvesaṁ, vri:56.203 · sya:26.304 aggiṁ paricariṁ vane; Suddhimaggaṁ ajānanto, akāsiṁ amaraṁ tapaṁ.
Taṁ sukhena sukhaṁ laddhaṁ, passa dhammasudhammataṁ; Tisso vijjā anuppattā, kataṁ buddhassa sāsanaṁ.
Brahmabandhu pure āsiṁ, idāni khomhi brāhmaṇo; Tevijjo nhātako camhi, sottiyo camhi vedagū”ti. … Aṅgaṇikabhāradvājo thero ….