Theragāthā 3.14 Tikanipāta
id: thag3.14 สยามรัฐ: vol 26 17 segments
Theragāthā 3.14 Tikanipāta Paṭhamavagga Gotamattheragāthā
“Saṁsaraṁ hi nirayaṁ agacchissaṁ, Petalokamagamaṁ punappunaṁ; Dukkhamamhipi tiracchānayoniyaṁ, Nekadhā hi vusitaṁ ciraṁ mayā.
Mānusopi ca bhavobhirādhito, sya:26.309 Saggakāyamagamaṁ sakiṁ sakiṁ; Rūpadhātusu arūpadhātusu, Nevasaññisu asaññisuṭṭhitaṁ.
Sambhavā suviditā asārakā, Saṅkhatā pacalitā saderitā; Taṁ viditvā mahamattasambhavaṁ, Santimeva satimā samajjhagan”ti. … Gotamo thero ….