Theragāthā 4.1 Catukkanipāta
id: thag4.1 VRI: vol 56 สยามรัฐ: vol 26 21 segments
Theragāthā 4.1 Catukkanipāta Paṭhamavagga Nāgasamālattheragāthā
“Alaṅkatā suvasanā, vri:56.209 mālinī candanussadā; Majjhe mahāpathe nārī, tūriye naccati naṭṭakī.
Piṇḍikāya paviṭṭhohaṁ, gacchanto naṁ udikkhisaṁ; Alaṅkataṁ suvasanaṁ, maccupāsaṁva oḍḍitaṁ.
Tato me manasīkāro, yoniso udapajjatha; Ādīnavo pāturahu, nibbidā samatiṭṭhatha.
Tato cittaṁ vimucci me, sya:26.311 passa dhammasudhammataṁ; Tisso vijjā anuppattā, kataṁ buddhassa sāsanan”ti. … Nāgasamālo thero ….