Theragāthā 4.3 Catukkanipāta
id: thag4.3 VRI: vol 56 21 segments
Theragāthā 4.3 Catukkanipāta Paṭhamavagga Sabhiyattheragāthā
“Pare ca na vijānanti, mayamettha yamāmase; Ye ca tattha vijānanti, tato sammanti medhagā.
Yadā ca avijānantā, vri:56.210 iriyantyamarā viya; Vijānanti ca ye dhammaṁ, āturesu anāturā.
Yaṁ kiñci sithilaṁ kammaṁ, saṅkiliṭṭhañca yaṁ vataṁ; Saṅkassaraṁ brahmacariyaṁ, na taṁ hoti mahapphalaṁ.
Yassa sabrahmacārīsu, gāravo nūpalabbhati; Ārakā hoti saddhammā, nabhaṁ puthaviyā yathā”ti. … Sabhiyo thero ….