Theragāthā 4.8 Catukkanipāta
id: thag4.8 VRI: vol 56 สยามรัฐ: vol 26 21 segments
Theragāthā 4.8 Catukkanipāta Paṭhamavagga Rāhulattheragāthā
“Ubhayeneva sampanno, rāhulabhaddoti maṁ vidū; Yañcamhi putto buddhassa, yañca dhammesu cakkhumā.
Yañca me āsavā khīṇā, sya:26.314 yañca natthi punabbhavo; Arahā dakkhiṇeyyomhi, tevijjo amataddaso.
Kāmandhā jālapacchannā, taṇhāchādanachāditā; Pamattabandhunā baddhā, macchāva kumināmukhe.
Taṁ kāmaṁ ahamujjhitvā, vri:56.212 chetvā mārassa bandhanaṁ; Samūlaṁ taṇhamabbuyha, sītibhūtosmi nibbuto”ti. … Rāhulo thero ….