Theragāthā 5.11 Pañcakanipāta
id: thag5.11 สยามรัฐ: vol 26 25 segments
Theragāthā 5.11 Pañcakanipāta Paṭhamavagga Soṇakuṭikaṇṇattheragāthā
“Upasampadā ca me laddhā, vimutto camhi anāsavo; So ca me bhagavā diṭṭho, vihāre ca sahāvasiṁ.
Bahudeva rattiṁ bhagavā, abbhokāsetināmayi; Vihārakusalo satthā, vihāraṁ pāvisī tadā.
Santharitvāna saṅghāṭiṁ, sya:26.324 seyyaṁ kappesi gotamo; Sīho selaguhāyaṁva, pahīnabhayabheravo.
Tato kalyāṇavākkaraṇo, sammāsambuddhasāvako; Soṇo abhāsi saddhammaṁ, buddhaseṭṭhassa sammukhā.
Pañcakkhandhe pariññāya, Bhāvayitvāna añjasaṁ; Pappuyya paramaṁ santiṁ, Parinibbissatyanāsavo”ti. … Soṇo kuṭikaṇṇatthero ….