Theragāthā 5.2 Pañcakanipāta
id: thag5.2 สยามรัฐ: vol 26 25 segments
Theragāthā 5.2 Pañcakanipāta Paṭhamavagga Subhūtattheragāthā
“Ayoge yuñjamattānaṁ, puriso kiccamicchako; Carañce nādhigaccheyya, ‘taṁ me dubbhagalakkhaṇaṁ’.
Abbūḷhaṁ aghagataṁ vijitaṁ, Ekañce ossajeyya kalīva siyā; Sabbānipi ce ossajeyya andhova siyā, Samavisamassa adassanato.
Yañhi kayirā tañhi vade, sya:26.318 yaṁ na kayirā na taṁ vade; Akarontaṁ bhāsamānaṁ, parijānanti paṇḍitā.
Yathāpi ruciraṁ pupphaṁ, vaṇṇavantaṁ agandhakaṁ; Evaṁ subhāsitā vācā, aphalā hoti akubbato.
Yathāpi ruciraṁ pupphaṁ, Vaṇṇavantaṁ sugandhakaṁ; Evaṁ subhāsitā vācā, Saphalā hoti kubbato”ti. … Subhūto thero ….