Theragāthā 5.8 Pañcakanipāta
id: thag5.8 สยามรัฐ: vol 26 25 segments
Theragāthā 5.8 Pañcakanipāta Paṭhamavagga Vakkalittheragāthā
“Vātarogābhinīto tvaṁ, viharaṁ kānane vane; Paviṭṭhagocare lūkhe, kathaṁ bhikkhu karissasi”.
“Pītisukhena vipulena, pharamāno samussayaṁ; Lūkhampi abhisambhonto, viharissāmi kānane.
Bhāvento satipaṭṭhāne, indriyāni balāni ca; Bojjhaṅgāni ca bhāvento, viharissāmi kānane.
Āraddhavīriye pahitatte, Niccaṁ daḷhaparakkame; Samagge sahite disvā, Viharissāmi kānane.
Anussaranto sambuddhaṁ, sya:26.322 aggaṁ dantaṁ samāhitaṁ; Atandito rattindivaṁ, viharissāmi kānane”ti. … Vakkalitthero ….