Theragāthā 6.8 Chakkanipāta

id: thag6.8 VRI: vol 56 สยามรัฐ: vol 26 31 segments

Theragāthā 6.8 Chakkanipāta Paṭhamavagga Migajālattheragāthā

“Sudesito cakkhumatā, buddhenādiccabandhunā; Sabbasaṁyojanātīto, sabbavaṭṭavināsano.

Niyyāniko uttaraṇo, taṇhāmūlavisosano; Visamūlaṁ āghātanaṁ, chetvā pāpeti nibbutiṁ.

Aññāṇamūlabhedāya, vri:56.224 kammayantavighāṭano; Viññāṇānaṁ pariggahe, ñāṇavajiranipātano.

Vedanānaṁ viññāpano, upādānappamocano; Bhavaṁ aṅgārakāsuṁva, ñāṇena anupassano.

Mahāraso sugambhīro, sya:26.332 jarāmaccunivāraṇo; Ariyo aṭṭhaṅgiko maggo, dukkhūpasamano sivo.

Kammaṁ kammanti ñatvāna, vipākañca vipākato; Paṭiccuppannadhammānaṁ, yathāvālokadassano; Mahākhemaṅgamo santo, pariyosānabhaddako”ti. … Migajālo thero ….