Therīgāthā 3.4 Tikanipāta

id: thig3.4 สยามรัฐ: vol 26 16 segments

Therīgāthā 3.4 Tikanipāta Dantikātherīgāthā

“Divāvihārā nikkhamma, gijjhakūṭamhi pabbate; Nāgaṁ ogāhamuttiṇṇaṁ, nadītīramhi addasaṁ.

Puriso aṅkusamādāya, ‘dehi pādan’ti yācati; Nāgo pasārayī pādaṁ, puriso nāgamāruhi.

Disvā adantaṁ damitaṁ, sya:26.450 manussānaṁ vasaṁ gataṁ; Tato cittaṁ samādhesiṁ, khalu tāya vanaṁ gatā”ti.

… Dantikā therī ….