Therīgāthā 5.5 Pañcakanipāta
id: thig5.5 VRI: vol 56 สยามรัฐ: vol 26 24 segments
Therīgāthā 5.5 Pañcakanipāta Nanduttarātherīgāthā
“Aggiṁ candañca sūriyañca, vri:56.316 devatā ca namassihaṁ; Nadītitthāni gantvāna, udakaṁ oruhāmihaṁ.
Bahūvatasamādānā, sya:26.455 aḍḍhaṁ sīsassa olikhiṁ; Chamāya seyyaṁ kappemi, rattiṁ bhattaṁ na bhuñjahaṁ.
Vibhūsāmaṇḍanaratā, nhāpanucchādanehi ca; Upakāsiṁ imaṁ kāyaṁ, kāmarāgena aṭṭitā.
Tato saddhaṁ labhitvāna, pabbajiṁ anagāriyaṁ; Disvā kāyaṁ yathābhūtaṁ, kāmarāgo samūhato.
Sabbe bhavā samucchinnā, icchā ca patthanāpi ca; Sabbayogavisaṁyuttā, santiṁ pāpuṇi cetaso”ti.
… Nanduttarā therī ….