Therīgāthā 6.7 Chakkanipāta

id: thig6.7 VRI: vol 56 สยามรัฐ: vol 26 28 segments

Therīgāthā 6.7 Chakkanipāta Guttātherīgāthā

“Gutte yadatthaṁ pabbajjā, sya:26.464 hitvā puttaṁ vasuṁ piyaṁ; Tameva anubrūhehi, mā cittassa vasaṁ gami.

Cittena vañcitā sattā, mārassa visaye ratā; Anekajātisaṁsāraṁ, sandhāvanti aviddasū.

Kāmacchandañca byāpādaṁ, sakkāyadiṭṭhimeva ca; Sīlabbataparāmāsaṁ, vicikicchañca pañcamaṁ.

Saṁyojanāni etāni, pajahitvāna bhikkhunī; Orambhāgamanīyāni, nayidaṁ punarehisi.

Rāgaṁ mānaṁ avijjañca, uddhaccañca vivajjiya; Saṁyojanāni chetvāna, dukkhassantaṁ karissasi.

Khepetvā jātisaṁsāraṁ, vri:56.324 pariññāya punabbhavaṁ; Diṭṭheva dhamme nicchātā, upasantā carissatī”ti.

… Guttā therī ….